जळगाव लाईव्ह न्यूज । ३ नोव्हेंबर २०२५ । जळगाव शहरातील एमआयडीसी परिसरात अवैध दारुअड्यावर गोळीबार झाल्याची घटना नुकतीच घडली. यात अवैध दारू विक्रेत्याने केलेल्या गोळीबारात जखमी झालेल्या दोघांपैकी एकाचा मृत्यू झाला. या घटनेनंतर जळगाव जिल्ह्यात पुन्हा एकदा गोळीबार झाल्याची घटना समोर आलीय.
एरंडोल तालुक्यातील कढोली गावात आज दि ३ नोव्हेंबरला गोळीबाराची घटना घडली असल्याची प्राथमिक माहिती समोर आली आहे. यात ३१ वर्षीय तरुण जखमी झाला असून त्याच्यावर एका खाजगी रुग्णालयात उपचार सुरू आहेत. सोनू सुभाष बडगुजर (रा. खेडी कढोली, ता. एरंडोल) असे जखमी झालेल्या तरुणाचे नाव आहे. तर गोळीबार करणारा त्याचा मित्र जितेंद्र किशोर कोळी (रा. खेडी कढोली, ता. एरंडोल) असल्याचे समोर आले आहे.
सूत्रांनी दिलेल्या माहितीनुसार, ही घटना पाळधी परिसरातील एका हॉटेलमध्ये घडली असून गोळीबार करणारे देखील जखमीच्या परिचयाच्या असल्याची माहिती आहे.
