जळगाव लाईव्ह न्यूज । ३१ मार्च २०२१ । राष्ट्रवादीचे ज्येष्ठ नेते एकनाथ खडसेंना ‘ईडी’ची तारीख आल्यावरच कोरोना कसा होतो ? असा आरोप भाजपचे माजी मंत्री तथा आमदार गिरीश महाजन यांनी केला होता. दरम्यान, महाजनांनी केलेल्या आरोपावर एकनाथराव खडसेंनी सडेतोड प्रत्युत्तर दिले आहे.
जळगाव महापालिकेतील भाजपची सत्ता गेल्याने गिरीश भाऊंना जो झटका बसला त्यामुळे त्यांना ‘ईडी’ आठवण आता येवू लागली आहे. आणि ‘ईडी लावून छळण्याचा प्रकार कोण करतात, हे सर्व जगाला माहिती आहे, असे शब्दात खडसेंनी गिरीश महाजनांना सडेतोड प्रत्युत्तर दिले आहे. विस दिवसापासून कोरोना झाल्यामुळे मी बाँम्बे हाॅस्पीटमध्ये कोरोनाचा उपचार घेत होतो. मला खुप त्रास झाला आणि मला जाणीव आहे कोरोनामध्ये किती त्रास होतो. त्यामुळे मला काही नौटंकी करण्याची सवय नाही, असे खडसे म्हणाले आहे.
---Advertisement---
