जळगाव लाईव्ह न्यूज । ४ मार्च २०२१ । शहरातील शासकीय आशादिप महिला वसतिगृहात महिला व मुलीच्या चौकशीच्या नावाखाली अनैतिक कृत्य व गैरव्यवहार होत असल्याचा धक्कादायक प्रकार समोर आला आहे. या प्रकारामुळे खळबळ उडाली आहे.
दरम्यान, वसतिगृहातील प्रकाराची चाैकशी करण्यासाठी उपजिल्हाधिकारी शुभांगी भारदे यांनी रात्री १० वाजेच्या सुमारास भेट दिली.
त्यांनी परिसरातील रहिवाशांचे इनकॅमेरा जबाब घेतले. दाेन महिला पाेलिस उपनिरीक्षक, स्थानिक गुन्हे शाखेचे पथक त्यांच्यासाेबत हाेते. पाेलिस पथकाने वसतिगृहासमाेरील सीसीटीव्ही कॅमेऱ्याचे डीव्हीअारही चाैकशीसाठी ताब्यात घेतले.
दरम्यान, शहरातील शासकिय वसतिगृहातील महिलांना भेटायला येणाऱ्यांना वसतिगृहात प्रवेश दिला जात नाही. त्यामुळे ते बाहेर गर्दी करतात आणि त्याचा त्रास आम्हा रहिवाशांना होतो. त्यामुळे हे वसतिगृह या भागातून हलवावे, अशी मागणी संबंधित शासकिय महिला वसतिगृहाच्या परिसरातील नागरिकांनी केली आहे. महिलांचे जळगाव शहरातील शासकिय वसतिगृह अचानक चर्चेत आले आहे.
त्या प्रकरणात चार महिला अधिकाऱ्यांची समिती चौकशी करीत असून त्यानंतर वास्तव समोर येण्याची शक्यता आहे.
