जळगाव लाईव्ह न्यूज । २३ एप्रिल २०२२ । अनेकांना दुर्धर व अनुवांशिक आजार असतात हेच माहित नसते, त्यामुळे विवाहपूर्व आरोग्य तपासणी करण्याचे महत्वपूर्ण आवाहन महाराष्ट्र अंधश्रद्धा निर्मूलन समितीने शासकीय वैद्यकीय महाविद्यालय व रुग्णालय यांच्या संयुक्त विद्यमाने केले आहे.
विवाहपूर्व आरोग्य तपासणी करून घेणे महत्वाचे आहे. विवाहपूर्व आरोग्य तपासणीत सिकलसेल, थॅलेसेमिया, एचआयव्ही, हिपॅटायटिस बी या तपासण्या सरकारी फी मध्ये नाममात्र दरात केल्या जाणार आहे. यासाठी शासकीय वैद्यकीय महाविद्यालय व रुग्णालयाचे अधिष्ठाता डॉ. जयप्रकाश रामानंद यांनी अनुकूलता दर्शवली आहे. ओपीडी काळात सकाळी ९ ते १ या वेळेत विवाहपूर्व आरोग्य तपासणी करून मिळणार आहे. याकरिता रुग्णालयाचे वैद्यकीय अधीक्षक डॉ. विजय गायकवाड, उप वैद्यकीय अधीक्षक डॉ.याेगीता बावस्कर सहकार्य करीत आहे.
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
