जळगाव लाईव्ह न्यूज । २५ मे २०२५ । जळगाव जिल्ह्यात अपघाताच्या घटना दिवसेंदिवस वाढतच असल्याचं दिसतात आहे. यातच जळगावहून इंदौरकडे जाणारी खासगी ट्रॅव्हल्स आमोदा ते फैजपूर दरम्यान वळणावर शेतात जावून कलंडली. ही घटना शनिवारी रात्री ९.३० वाजेच्या सुमारास पाऊस सुरू असतांना हा अपघात झाला.
पावसामध्ये रस्त्यावरील वळणावर ओल्या झालेल्या साईडपट्टीवरून ट्रॅव्हल्स ब्रेक न लागल्याने वळण न घेता थेट केळीच्या बागेत जावून कलंडल्यामुळे हा अपघात झाल्याची प्राथमिक माहिती मिळाली. दरम्यान, ट्रॅव्हल्समधील २५ ते ३० प्रवाशांपैकी दोघे जण किरकोळ जखमी झाले. याच वेळी पाऊस सुरू असल्याने रात्रीच्या अंधारात बचावकार्य करतांना अडचणी आल्या.
घटनेची माहिती मिळाल्यानंतर पिंपरूळ आणि आमोद्यासह फैजपूर येथून लोक मदतीसाठी धावले. दररोज रात्री जळगाव ते इंदौर दरम्यान चालणारी शाईन ट्रॅव्हल्स क्रमांक (एमपी ०९-पी९०९०) रात्री ९.३० वाजता आमोदा ते पिंपरूड फाटा दरम्यान शेतात जावून कलंडली. या रस्त्यावरील छोट्या वळणावर ट्रॅव्हल्स साईडपट्टीवरून थेट शेजारच्या शेतात शिरली आणि अचानक ब्रेक लावल्याने एका झाडाजवळ जावून कलंडली. रात्री पाऊस सुरू असतांना अंधार होता. ट्रॅव्हल्सचे लाइटही बंद झाल्याने एकच गोंधळ उडाला
