जळगाव लाईव्ह न्यूज । ३० ऑक्टोबर २०२२ । भारत सरकारच्या युवा कार्यक्रम व क्रीडा मंत्रालया अंतर्गत असलेल्या नेहरू युवा केंद्र जळगांव द्वारा सरदार लोहपुरुष वल्लभभाई पटेल यांची जयंती राष्ट्रीय एकता दिवस म्हणून साजरी करण्यात येत असुन यानिमित्ताने रन फॉर युनिटी – एकता दौडचे आयोजन करण्यात आले आहे.
नेहरू युवा केंद्रातर्फे जळगाव जिल्ह्यातील प्रत्येक तालुक्यातील राष्ट्रीय युवा स्वयंसेवकांच्या माध्यमातून व ग्रामप्रशासन, स्थानिक युवा मंडळाच्या सहकार्याने उद्या दि.३१ रोजी सकाळी ७ ते ९ दरम्यान रन फॉर युनिटी – एकता दौडचे आयोजन करण्यात आले आहे. या कार्यक्रमात युवक – युवतींनी, सामाजिक व शैक्षणिक संस्थेच्या पदाधिकारी, नेहरू युवा मंडळाचे पदाधिकारी व सदस्यांनी सहभागी व्हावे असे आवाहन नेहरू युवा केंद्राचे जिल्हा युवा अधिकारी नरेंद्र डागर यांनी केले आहे.
