जळगाव लाईव्ह न्यूज । ६ जानेवारी २०२१ । जळगाव महापालिकेचा आकृतिबंध तब्बल २० वर्षांनंतर तयार करण्यात आला आहे. आकृतिबंध मंजूर झाल्यानंतर पालिकेत कर्मचारी भरती हाेण्याची शक्यता असून त्यात पहिल्या टप्प्यात १५० पदे भरली जाण्याची शक्यता आहे. आकृतिबंध तयार करून १ नाेव्हेंबर २०२१ राेजी नगरविकास विभागाकडे मंजुरीसाठी सादर केला आहे.
महापालिकेची स्थापना मार्च २००३ मध्ये झाली असून, १८ वर्षे पूर्ण झाले आहेत. या संपूर्ण कालावधीत महापालिकेचा नवीन आकृतिबंध मंजूर झालेला नाही. त्यामुळे नगरपालिका असल्यापासून मंजूर पदांवर पालिकेचा कारभार सुरू आहे. दरम्यान गेल्या पाच वर्षांत दाेन वेळा आकृतिबंध तयार झाला; परंतु शासनाने मंजुरी न दिल्याने पुन्हा आकृतिबंध तयार करून १ नाेव्हेंबर २०२१ राेजी सादर करण्यात आला आहे. आकृतिबंध मंजूर झाल्यानंतर एकूण रिक्त जागांपैकी किमान १५० जागांवर कर्मचारी भरतीची प्रक्रिया राबवली जाण्याची शक्यता आहे.
नवीन ८८५ पदांची निर्मिती हाेणार
गेल्या अनेक वर्षांत गरज नसलेल्या पदांमुळे पालिकेच्या आस्थापना खर्चाचा वाढलेला भार आकृतिबंधाच्या मंजुरीनंतर कमी हाेणार आहे. मंजूर पदांपैकी १५३७ पदे व्यपगत करण्याचा निर्णय झाला आहे. मनपात नवीन ८८५ पदांची निर्मिती हाेणार आहे.
हे देखील वाचा :
- जळगावातील युवकांसाठी खुशखबर ; नामांकित कंपन्यांमध्ये इंटर्नशिपची संधी
- ISRO मध्ये पदवीधरांना सरकारी नोकरीची मोठी संधी! विविध पदांसाठी मेगा भरती, त्वरित करा अर्ज!
- बँकेत नोकरीची सुवर्णसंधी! IBPS कडून तब्बल 11,403 क्लर्क पदांसाठी मेगाभरती सुरु
- यावल आयटीआयमध्ये विविध पदांसाठी भरती; ३१ जुलैपर्यंत अर्ज करण्याची संधी
- भारतीय रेल्वेमध्ये सरकारी नोकरीची संधी! 4098 पदांची मेगाभरती जाहीर, पात्रता तपासून घ्या?
