जळगाव लाईव्ह न्यूज । ३० एप्रिल २०२२ । शिरसोली येथील अल्पवयीन मुलीला एकाने फूस लावून पळवून नेल्याचे घटना नुकतीच उघकीस आली आहे. या प्रकरणी गुन्हा दाखल करण्यात आला आहे.
पोलीससूत्रांनी दिलेल्या माहितीनुसार, तालुक्यातील शिरसोली गावातील १६ वर्षीय मुलगी दि २८ एप्रिल रोजी सायंकाळी ७.३० वाजेच्या सुमारास जळगाव तालुक्यातील कानळदा येथील राहणारा किसन पिंटू बारेला याने अल्पवयीन मुलींना फूस लावून पळवून नेले आहे. याबाबत पीडित मुलीच्या वडिलांनी शुक्रवारी २९ एप्रिल रोजी एमआयडीसी पोलिस ठाण्यात धाव घेऊन तरुणाविरोधात तक्रार दाखल केली. दिलेल्या तक्रारीवरून संशयित किसन पिंटू बारेला याच्याविरोधात एमआयडीसी पोलिस ठाण्यात गुन्हा दाखल करण्यात आला आहे. या प्रकरणी पुढील तपास पोलीस उपनिरीक्षक रवींद्र गिरासे हे करीत आहेत .
