fbpx

पोलीसात तक्रार दिल्याच्या रागातून तरुणावर तलवारीने हल्ला : तीन जणांविरोधात गुन्हा

जळगाव लाईव्ह न्यूज । १६ मे २०२१ । तरूणाने पोलीसात तक्रार दिल्याच्या रागातून तीन जणांनी तलवारीने हल्ला करून गंभीर जखमी केल्या घटना जळगाव तालुक्यातील आसोदा येथे घडलीय. विजय एकनाथ घुले (वय-३८) असे हल्ला केलेल्या तरुणाचे नाव असून याबाबत तालुका पोलीसात तीन जणांविरोधात गुन्हा दाखल करण्यात आला आहे.

याबाबत असे की, विजय घुले यांनी गावातील जितेंद्र बाबुराव देशमुख याच्या विरूध्द जुन्या वादातून जिल्हापेठ पालीसात तक्रार दिली होती. याचा राग मनात ठेवून जितेंद्र देशमुख सह योगेश डिगंबर कोल्हे आणि भरत बाळू पाटील सर्व रा. आसोदा ता.जि.जळगाव यांनी शुकवार १४ मे रोजी दुपारी १ ते १.१५ वाजेच्या सुमारास विजय घुले यांच्यावर तलवार हल्ला करून जखमी केले.

mi advt

तर लोखंडी रॉड आणि दांडक्याने बेदम मारहाण केली. शनिवारी सायंकाळी विजय घुले यांच्या फिर्यादीवरून तालुका पोलीसात तीन जणांविरूध्द गुन्हा दाखल केला आहे. पुढील तपास पोउनि कल्याण कासार करीत आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज