fbpx

गळफास घेवून किनगावच्या तरूणाची आत्महत्या

mi-advt

जळगाव लाईव्ह न्यूज । ३१ मार्च २०२१ । यावल तालुक्यातील किनगाव येथील तरुणाने राहत्या घरात गळफास घेऊन आत्महत्या केल्याची घटना आज बुधवारी सकाळी उघडकीस आली. नवल दगडु भोई (वय ३६) असे आत्महत्या केलेल्या तरुणाचे नाव आहे.  दरम्यान, याप्रकरणी यावल पोलीसात अकस्मात मृत्यूची नोंद करण्यात आली आहे.

नवल भोई याचा गावात शेंगदाणे फुटाणेचा व्यवसाय आहे.  या तरूणाने आज ३१ मार्च रोजी सकाळी ९.३० वाजेच्या सुमारास आपल्या राहत्या घरातील छताच्या हुकला दोरी बांधुन गळफास घेवुन आत्महत्या केली. आत्महत्या करण्याचे कारण अद्याप कळू शकले नाही.

मयत नवल भोई याच्या पश्चात पत्नी, दोन मुली, आई व भाऊ असा परिवार आहे. यावल ग्रामीण रूग्णालयात शवविच्छेदन करण्यात आले असून मृतदेह नातेवाईकांच्या ताब्यात देण्यात आला आहे. याबाबत यावल पोलीस ठाण्यात अकस्मात मृत्यूची नोंद करण्यात आली आहे. पुढील तपास सहाय्यक फौजदार विजय धनंजय पाचपोळे हे करीत आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज