fbpx

अज्ञात वाहनाच्या धडकेत दुचाकीस्वार युवक ठार

mi-advt

जळगाव लाईव्ह न्यूज । ०७ जून २०२१ । जळगाव जवळील बांभोरी बसस्थानकासमोर अज्ञात वाहनाच्या धडकेत दुचाकीस्वार युवकाचा जागेवरच मृत्यू झाल्याची घटना रात्री ८ वाजेच्या सुमारास घडली आहे. शाहिद शकिल बागवान (वय-२२) असे अपघातातील मृत तरुणाचे नाव आहे. तर सोबत असलेला एक जण जखमी झाला आहे.  याप्रकरणी अज्ञात वाहनचालकाविरोधात गुन्हा दाखल करण्यात आला आहे.

याबाबत असे की, , शाहिद बागवान हा आपल्या आईवडील आणि तीन बहिणींसोबत राहतो. शहरातील आंबे विक्री व किरकोळ व्यापारीचे काम करायचा, त्यांचे वडील त्याला थोडेफार हातभार लावत होते. रविवारी ६ जून रोजी रात्री ८ वाजेच्या सुमारास मित्रासह दुचाकीने पाळधी येथे वसुलीसाठी निघाले. दरम्यान बांभोरी गावाजवळी बसस्थानकाजवळून जात असतांन अज्ञात वाहनाने जोरदार धडक दिली. यात शाहिद बागवान हा जागीच ठार झाला तर सोबत असलेला मित्र हा जखमी झाला आहे.

जखमी शहरातील खासगी रूग्णालयात उपचारार्थ दाखल करण्यात आले आहे. शाहिदचा मृतदेह जिल्हा शासकीय वैद्यकीय महाविद्यालयात आणण्यात आला. आज सोमवारी ७ जून रोजी सकाळी ९ वाजता शवविच्छेदन करण्यात आला असून मृतदेह नातेवाईकांच्या ताब्यात देण्यात आला आहे. याप्रकरणी अकस्मात मृत्यूची नोंद करण्यात आली असून पुढील प्राथमिक तपास मनोज इंद्रेकर करीत आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज