fbpx

प्रवाशांसाठी आनंदाची बातमी : भुसावळ विभागातून धावणार ‘या’ साप्ताहिक गाड्या

जळगाव लाईव्ह न्यूज । १६ सप्टेंबर २०२१ । देशात कमी होत असलेली कोरोना रुग्णांची संख्या आणि वाढणारी रेल्वेने प्रवाशांची संख्या लक्षात घेता अनेक मार्गावरील वाहतूक पूर्ववत करण्याचा प्रयत्न सुरु आहे. दरम्यान, रेल्वे प्रशासनातर्फे २ अतिरिक्त विशेष गाड्या चालवण्याचा निर्णय घेतला आहे. भुसावळ विभागातून धावणाऱ्या गाड्यात साईनगर शिर्डी ते हावडा ते एलटीटी-हटिया अशा या दोन विशेष गाड्याचा समावेश आहे.

साईनगर शिर्डी ते हावडा दरम्यान ०२५९३ क्रमांकाची साप्ताहिक विशेष गाडी चालवण्याचा निर्णय रेल्वे विभागाने घेतला आहे. ९ ऑक्टोबर ते १ जानेवारी २०२२ पर्यंत ही गाडी चालेल. तर ०२५९४ हावडा-साईनगर शिर्डी ही साप्ताहिक गाडी ७ ऑक्टोबर ते ३० डिसेंबरपर्यंत चालवण्यात येईल. यासोबतच एलटीटी-हटिया द्वि साप्ताहिक गाडी सुरु केली आहे. ०२८११ एलटीटी-हटिया गाडी ३ ऑक्टोबर ते २ जानेवारी २०२२ आणि ०२८१२ हटिया-एलटीटी गाडी १ ऑक्टोबर ते ३१ डिसेंबरपर्यंत धावेल. प्रवाशांनी कोरोनाचे नियम पाळून या गाड्यांचा लाभ घ्यावा, असे आवाहन रेल्वे विभागाने केले आहे.

mi advt

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज