fbpx

जीवे ठार मारण्याचा प्रयत्न करणारे तीन फरार संशयीत जाळ्यात

जळगाव लाईव्ह न्यूज । १७ मे २०२१  शहरातील कुसुंबा येथील स्वामी समर्थ बैठक हॉल जवळ राहणाऱ्या अक्षय सोनवणे या तरुणाला मारहाण करीत गंभीर दुखापत केल्याप्रकरणी फरार असलेल्या तिघांना आज एमआयडीसी पोलिसांनी अटक केली आहे.

कुसुंबा येथील अक्षय सोनवणे या तरुणाला दि.२८ फेब्रुवारी रोजी रोजी एका तरुणीवर प्रेम करतो या कारणावरून काही तरुणांनी बेदम मारहाण केली होती. याप्रकरणी एमआयडीसी पोलिसात गुन्हा दाखल करण्यात आला होता. गुन्ह्यात फरार असलेल्या संतोष उर्फ बब्ब्या सुभाष कोळी, दिनेश उर्फ गोलू मधुकर पाटील आणि एका अल्पवयीन तरुणाला एमआयडीसी पोलिसांनी कुसुंबा नाक्याजवळून अटक केली.

mi advt

एमआयडीसी पोलीस ठाण्याचे निरीक्षक प्रताप शिकारे यांच्या मार्गदर्शनाखाली उपनिरीक्षक रामकृष्ण पाटील, अतुल वंजारी, आनंदसिंग पाटील, मिलींद सोनवणे, हेमंत कळसकर, सुधीर सावळे, चंद्रकांत पाटील यांनी ही कामगिरी बजावली आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज