यंदा मनपा कर्मचाऱ्यांची दिवाळी होणार गोड ; वेतन व महागाई भत्ता मिळणार

 जळगाव लाईव्ह न्यूज । २२ ऑक्टोबर २०२१ । गेल्या दोन वर्षभराची स्थिती पाहून मनपा प्रशासनाने यंदा कर्मचाऱ्यांना एन दिवाळीत अडचण येवू नये, म्हणून वेळेआधीच वेतन देवून महागाई भत्ता व महागाई फरकाची रक्कम देण्याचा निर्णय घेतला आहे. यासाठी मनपा प्रशासनाने ७ कोटी ५० लाख रुपयांची तरतूद केली आहे. महापालिकेने दिवाळीत पेन्शनधारकांनाही दिलासा देण्याचा प्रयत्न राहणार आहे.

 

गेल्या काही वर्षांपासून मनपाची आर्थिक परिस्थिती बेताची आहे. दोन वर्षांपासून कोरोनामुळे वसुलीदेखील चांगल्या प्रकारे होवू शकली नाही. मात्र, कोरोनाच्या गंभीर काळातदेखील महापालिका प्रशासनाने कर्मचाऱ्यांना दिलासा देण्याचा प्रयत्न केला आहे.

महापालिका प्रशासनाने ऑक्टोबर महिन्याचे वेतनासाठी ४ कोटी ३० लाखांची रक्कमेसह महागाई भत्याच १ कोटी व महागाई फरकाची रक्कम देण्याचा निर्णय घेतला तेच. दिवाळीच्या  तोंडावर महापालिका कर्मचाऱ्यांना वेतन व महागाई भत्ता दिला जाणार असल्याने मनपा कर्मचाऱ्यांची दिवाळी आनंदात जाणार आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज