fbpx

पाण्याचा अंदाज न आल्याने वृद्धा बुडाली

जळगाव लाईव्ह न्यूज । १ ऑक्टोबर २०२१ । नदीतील पाण्याचा अंदाज न आल्याने पाय घसरून डोहात पडल्याने ६८ वर्षीय वृद्धेचा मृत्यू झाल्याची घटना घडली. याप्रकरणी पोलिसात अकस्मात मृत्यूची नोंद करण्यात आली आहे.

लमांजन (ता. जळगाव) येथील रहिवासी हिराबाई पाटील ( वय-६८) या प्रातविधीसाठी गिरणा नदीच्या काठावर गेल्या होत्या. नदीतील पाण्याचा अंदाज न आल्याने त्यांचा पाय घसरून त्या नदीतील डोहात पडल्या असाव्यात असे सांगण्यात येत आहे. पहाटे ५ वाजता गेलेल्या हिराबाई पाटील ७ वाजल्यानंतरही घरी न परतल्याने त्यांचा पुतण्या गोरख पाटील हे त्यांना शोधण्यासाठी गेले असता त्यांना नदी काठावर त्यांची बादली आणि चष्मा त्या ठिकाणी पडलेला दिसून आला. ग्रामस्थ आणि कुटुंबीयांनी २ तास शोधाशोध केल्यानंतर त्यांचा मृतदेह एका काटेरी झुडुपात अडकलेला आढळून आला. नदीपात्रातून हिराबाई पाटील यांचा मृतदेह काढताना पोलिसांना माहिती देण्यात आली. त्यानंतर त्यांचा मृतदेह जिल्हा शासकीय वैद्यकीय महाविद्यालय व रुग्णालयात शव विच्छेदनासाठी नेण्यात आला. याप्रकरणी पोलिसात अकस्मात मृत्यूची नोंद करण्यात आली आहे. हिराबाई पाटील यांच्या पश्चात १ मुलगा, सून, नातवंडे, पुतणे असा परिवार आहे.

mi advt

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज