कोरोना नियमांचा भंग केल्याप्रकरणी जिल्ह्यातील चार खासगी हॉस्पिटलचे निलंबन

 

जळगाव लाईव्ह न्यूज । २७ एप्रिल २०२१ । जिल्ह्यात कोरोनाची संख्या मोठ्या प्रमाणात वाढली आहे. वाढत्या रुग्ण संख्येच्या पार्श्वभूमीवर जळगाव जिल्ह्याती  खासगी रुग्णालयांनाही काेविड रुग्णांवर उपचाराची परवानगी देण्यात आली होती. मात्र, नियमांचा भंग केल्यामुळे जिल्ह्यातील चार हाॅस्पिटलवर बाॅम्बे नर्सिंग हाेम अॅक्टनुसार निलंबनाची कारवाई करण्यात आली आहे.

यात भडगाव तालुक्यातील कजगाव, पहूर, भुसावळ व एरंडाेल येथील खासगी हाॅस्पिटलवर जिल्हा शल्यचिकित्सक व जिल्हा आराेग्याधिकारी यांनी ही कारवाई केली आहे.

 

या हॉस्पिटलवर केली प्रशासनाने कारवाई?

एरंडाेल येथील डाॅ. जाहीद शाह यांचे शाह हाॅस्पिटल, भुसावळ येथील डाॅ. ताैसिफ खान यांचे मुस्कान हाॅस्पिटल यांच्यावर जिल्हा शल्यचिकित्सक यांनी थेट कारवाई केली आहे. भडगाव तालुक्यातील कजगाव येथील डाॅ. निखिल बाेरा यांच्या विघ्नहर्ता हाॅस्पिटल व पहूर येथील डाॅ. सचिन भडांगे यांच्या सिद्धिविनायक हाॅस्पिटलवर कारवाई करण्याच्या सूचना जिल्हा परिषदेचे जिल्हा आराेग्याधिकारी यांना दिले आहे. कारण हे दोन्ही हॉस्पिटल जिल्हा परिषदेच्या अंतर्गत येते.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज