fbpx

रावेर न्यायालयातील कर्मचाऱ्याची आत्महत्या; एकाच वर्षात कुटुंबातील चार जणांचे निधन

जळगाव लाईव्ह न्यूज । १२ मे २०२१ । रावेर न्यायालयातील कर्मचाऱ्याने धावत्या रेल्वेखाली आत्महत्या केल्याची घटना मंगळवारी उघडकीस आली आहे. हितेंद्र हेमकांत कुलकर्णी (रा.खोटेनगर,जळगाव) असे आत्महत्या केलेल्या कर्मचार्याचे नाव असून या बाबात लोहमार्ग पोलिसातअकस्मात मृत्यूची नोंद करण्यात आली आहे.

हितेंद्र कुलकर्णी हे जळगाव शहरातील खोटेनगर मध्ये आपल्या आई, पत्नी व दोन मुलींसह वास्तव्यास आहे. ते रावेर न्यायालयात नोकरीस असून त्यांनी काल मंगळवारी दुपारी ४ वाजता सुमारास खोटेनगरजवळील रेल्वे रुळावर धावत्या रेल्वेखाली आत्महत्या केली. आत्महत्या करण्याचे नेमके कारण कळू शकले नाही. दरम्यान घटनेची माहिती लोहमार्ग पोलिसांना कळताच त्यांनी घटनास्थळी जावून पाहणी केली. यात त्यांना हितेंद्र यांचे ओळखपत्र आढळून आल्याने त्यांनी ओळख पटली. त्यानंतर पंचनामा करुन त्यांचा मृतदेह शवविच्छेदनासाठी शासकीय वैद्यकीय रुग्णालयात दाखल करण्यात आला. याप्रकरणी लोहमार्ग पोलिसात अकस्मात मृत्यूची नोंद करण्यात आली.

वर्षाभरात कुटुंबातील चार जणांचे निधन

हितेंद्र कुलकर्णी यांचे कुटुंब उच्चशिक्षित असून कुटुंबातील बहुतांश सदस्य हे शासकीय सेवेत आहेत. गेल्या वर्षभरापूर्वी २६ जानेवारी रोजी हितेंद्र यांच्या लहान भावाचे निधन झाले. त्यानंतर १७ मे २०२० रोजी वडीलांचे देखील अकस्मात निधन झाले तर मार्च महिन्यात त्यांच्या काकाचे देखील निधन झाले. दरम्यान आता हितेंद्र यांनी आत्महत्या केल्याने एकाच वर्षात कुटुंबातील चार जणांचे निधन झाल्याने कुलकर्णी कुटुंबावर मोठा आघात कोसळला.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज