fbpx

भोजे येथील तरुणाने घेतला गळफास

जळगाव लाईव्ह न्यूज । ९ ऑक्टोबर २०२१ । जिल्ह्यात आत्महत्या करण्याचे प्रमाण दिवसेदिवस वाढतच आहे. दरम्यान पाचोरा तालुक्यातील भोजे येथील तरुणाने गळफास घेऊन आत्महत्या केली. योगेश संतोष पवार (वय – ३०) असे मृत तरुणाचे नाव आहे. दरम्यान, त्याने आत्महत्या का केली याबाबत अद्यापही कळू शकले नाहीय. या प्रकरणी घटनेबाबत पिंपळगाव (हरेश्र्वर) पोलिसात अकस्मात मृत्यूची नोंद करण्यात आली आहे.

याबाबत असे की, भोजे येथील योगेश पवार याने आज दि. ९ रोजी सकाळी १०:३० वाजेच्या सुमारास आपल्या राहत्या घराच्या छताला गळफास लावून आत्महत्या केली. घटनेप्रसंगी घरात कोणीही नव्हते. त्याचे  आई व वडिल बाहेर गेलेले होते. काही वेळानंतर आई घरी परतल्यानंतर त्यांना योगेश हा घराच्या छताला गळफास घेतलेल्या अवस्थेत आढळून आला.

त्यास तात्काळ पाचोरा ग्रामीण रुग्णालयात दाखल केले असता वैद्यकीय अधिकारी डॉ. अमित साळुंखे यांनी मृत घोषित केले. घटनेप्रकरणी पिंपळगाव (हरेश्र्वर) पोलिसात अकस्मात मृत्यूची नोंद करण्यात आली असून घटनेचा पुढील तपास सहाय्यक पोलिस निरीक्षक कृष्णा भोये यांचे मार्गदर्शनाखाली पी. एस. आय. डिगंबर थोरात हे करीत आहे. मयत योगेश पवार याचे पाश्चात्य आई, वडिल, एक भाऊ, एक बहीण असा परिवार आहे. योगेश पवार याने आत्महत्या का केली ? याचे कारण समजू शकले नाही.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज