रेल्वेच्या धडकेत अनोळखी व्यक्ती ठार ; मयताची ओळख पटविण्याचे आवाहन

जळगाव लाईव्ह न्यूज । ६ नोव्हेंबर २०२१ । जळगाव शहरातील शिवकॉलनी उड्डाणपूल परिसरात रेल्वेच्या धडकेत अनोळखी व्यक्तीचा मृत्यू झाल्याची घटना घडली. दरम्यान, मयत व्यक्तींची ओळख पटविण्याचे आवाहन रामानंदनगर पोलिसांनी केले आहे.

याबाबत असे की, जळगाव शहरातील शिवकॉलनी उड्डाणपुला जवळ अप रेल्वेलाईनवर खंबा क्रमांक ४१७ /२०- १८ जवळ रेल्वेच्या धडकेत अनोळखी व्यक्तीचा मृत्यू झाल्याची माहिती शिरसोली येथील स्टेशन मास्तर कमलेश सिन्हा यांनी रामानंदनगर पोलिसांना कळविली. त्यानुसार रामानंदनगर पोलिस ठाण्याचे पोलिस नाईक जितेंद्र तांबडे पोलिस कॉन्स्टेबल इकबाल पिंजारी पंकज पाटील या कर्मचाऱ्यांनी घटनास्थळ गाठून मृतदेह जिल्हा रुग्णालयात हलविला. याप्रकरणी जळगाव रेल्वे स्टेशनची उपप्रबंधक यांच्या खबरीवरून  रामानंदनगर पोलिसांत अकस्मात मृत्यूची नोंद करण्यात आली आहे. घटनेचा पुढील तपास पोलिस नाईक जितेंद्र तावडे हे करीत आहेत

मयताचे वय अंदाजे ४५ ते ५० वर्ष असुन मजबूत जाडसर बांधा रंग गोरा उंची १६० सेंटीमीटर तर अंगात निळी जीन्स पँट व पांढऱ्या रंगाचा नक्षी असलेला शर्ट तसेच पांढरा  बनियान व तपकिरी रंगाची अन्डर पँट  असे मयताचे वर्णन आहे. घटनास्थळी मयताची स्पार्क कंपनीची चप्पल तसेच पांढरा हातरुमाल मिळून आला आहे. या वर्णनानुसार मयताची ओळख पटविण्याचे आवाहन रामानंदनगर पोलिसांनी केले आहे. कोणालाही मयताची ओळख पटल्यास त्यांनी रामानंदनगर पोलिसांशी संपर्क साधावा असेही कळविण्यात आले आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज