fbpx

जळगाव जिल्ह्यात काही ठिकाणी पावसाच्या सरी

जळगाव लाईव्ह न्यूज । १६ मे २०२१ । अरबी समुद्रात घोंघावणाऱ्या ‘तौत्के’ चक्रीवादळाचा परिणाम संपूर्ण महाराष्ट्रभर जाणवायला सुरुवात झाली आहे. दरम्यान, या चक्रीवादळामुळे राज्यातील तापमानात काहीसा घट झाली आहे. जळगाव जिल्ह्यात काही भागात काल शनिवारी वादळी वाऱ्यासह पावसाने हजेरी लावली होती. तर आज देखील जिल्ह्यात बहुतांशी अंशतः ढगाळ वातावरण असून काही ठिकाणी तुरळक पाऊस देखील झाला आहे. यामुळे उकाड्यापासून काहीसा दिलासा मिळाला आहे.

‘तौत्के’ या चक्रीवादळाचा राज्यातील वातावरणावर परिणाम झाला असून गेल्या दोन दिवसांपासून कोकण, मध्य महाराष्ट्रातील बहुतांशी अंशतः ढगाळ वातावरण आहे. जळगाव जिल्ह्यातील तापमानातही काहीसा घट झाली आहे. त्यामुळे जळगावकरांना उकाड्यापासून काहीसा दिलासा मिळाला आहे. काल शनिवारी जिल्ह्यातील पारोळा तालुक्यात अवकाळी पावसाने हजेरी लावली होती. तर आज सकाळपासून अंशतः ढगाळ वातावरण आहे.

यंदा मार्च महिन्यापासूनच जिल्ह्याच्या तापमानात वाढ होत असल्याने जिल्हावासीयांना उकाडा सहन करावा लागत आहे. परंतु राज्यातील हवामानात बदल होत राहिल्याने जिल्ह्यातील तापमानात घट देखील झाली होती. परंतु आठवड्याभरापासून जिल्ह्यच्या तापमानाने पुन्हा मुसंडी मारल्याने जिल्ह्याचे तापमान 40 अंशापेक्षा अधिक नोंदविले जात आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज