fbpx

चारचाकीच्या धडकेत दुचाकीस्वार रेल्वे कर्मचारी ठार

जळगाव लाईव्ह न्यूज । १३ मे २०२१ । भरधाव वेगाने येणाऱ्या चारचाकीने दुचाकीला जोरदार धडक दिल्याने दुचाकीस्वार रेल्वे कर्मचा-याचा जागेवरच मृत्यू झाल्याची घटना आज गुरुवारी सकाळी भुसावळ-नशिराबाद रस्त्यावर घडलीय. रामा भादू शिरोळे (५७,रा.अष्टविनायक कॉलनी, भुसावळ) असे मयत रेल्वे कर्मचा-याचे नाव आहे.

याबाबत असे की, भुसावळ येथील रहिवासी रामा शिरोळे हे दुचाकीने (क्र.एमएच.१९.सीएम.७९३) सकाळी नशिराबादच्या दिशेने जात होते. माउली पेट्रोल पंपाजवळ त्यांच्या दुचाकीला मागून भरधावर येणा-या चारचाकी वाहनाने (एमएच.१९,बीयू.८९८८) जोरदार धडक दिली. धडक एवढी जबर होती की, शिरोळे यांच्या डोक्याला गंभीर दुखापत होवून त्यांचा जागीच मृत्यू झाला.

mi advt

अपघाताची माहिती मिळताच, नशिराबाद पोलीस ठाण्याचे सहायक पोलीस निरिक्षक गणेश चव्हाण, पोलीस कर्मचारी प्रवीण हाके, किरण बाविस्कर, संतोष केदार आदींनी घटनास्थळी धाव घेवून पंचनामा केला. तसेच मृतदेह रूग्णालयात हलविला. तसेच शिरोळे यांचा मुलगा ज्ञानेश्वर हा देखील घटनास्थळी दाखल झालेला होता.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज