fbpx

भल्या पहाटे रंगत होता पत्त्याचा डाव ; पोलीस आले आणि…

जळगाव लाईव्ह न्यूज । १५ मे २०२१ । भुसावळ शहरातील साई नगर साईबाबा मंदिराच्या मागे जामनेर रोड येथे सुरु असलेला जुगाराचा डाव पोलिसांनी कारवाई करीत उधळून लावला. या कारवाईत पोलिसांनी त्यांच्याकडील १५ हजार ५६० रोख रक्कम जप्त करत ६ जणांविरुद्ध बाजारपेठ पोलीस स्टेशनला गुन्हा दाखल करण्यात आला.

याबाबत असे की, भुसावळ शहरातील साई नगर साईबाबा मंदिराच्या मागे जामनेर रोड येथे लाइटच्या उजेडात आज दि.१५ रोजी ३.१० वाजेला पहाटेच्या सुमारास सार्वजनिक जागी खाली बसून घोळका करून पत्ते खेळताना पोलिसांना आढळून आले. त्यात रतन पुरी गोसावी वय 26 राहणार महेश नगर, अमोल काशिनाथ राणे वय 23 राहणार श्रीराम नगर, गजानन एकनाथ पाटील वय 29 राहणार महेश नगर, प्रशांत उर्फ बबलू नाना सुरवाडे वय 23 राहणार कलानगर, निखिल श्रीकृष्ण पाटील वय 25 राहणार प्रेरणा नगर,  श्रीकृष्ण वासुदेव सकाळ वय 37 राहणार दीनदयाल नगर,  सर्व राहणार भुसावळातील असे ताब्यात घेतलेल्यांचे नाव आहे. त्यांच्या ताब्यातून १५ हजार ५६० रोख रक्कम मिळून आली म्हणून पोलीस उपविभागीय अधिकारी सोमनाथ वाघचौरे यांच्या मार्गदर्शनाखाली भुसावळ बाजारपेठ पोलीस स्टेशनचे निरीक्षक दिलीप भागवत यांच्या आदेशावरून फिर्यादी पोकॉ ईश्वर संजय भालेराव यांनी दिलेल्या फिर्यादीवरून गुन्हा दाखल करण्यात आला.

सदरची कारवाई पोहेकॉ सुनील जोशी,पोना उमाकांत पाटील,ईश्वर भालेराव, दिपक पाटील, होमगार्ड लीलाधर कपले अशांनी मिळून केली.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज