fbpx

हद्दच झाली ; जळगावातून चक्क पोलिसाची दुचाकी लांबविली

जळगाव लाईव्ह न्यूज । ०७ मे २०२१ । जळगाव शहरात दुचाकी चोरीचे सत्र सुरूच असून आता तर चक्क पोलीस पोलीस कॉन्स्टेबलची दुचाकी अज्ञात चोरट्यांनी चोरून नेली आहे. ही घटना जिल्हापेठ हद्दीतील मानियार होलसेल दुकानासमोर घडली आहे. याप्रकरणी अज्ञात चोरट्यांविरूध्द जिल्हापेठ पोलीस ठाण्यात गुन्हा दाखल करण्यात आला आहे.

याबाबत असे की, गेल्या काही महिन्यापासून शहरातून दुचाकी चोरीच्या घटना दिवसेंदिवस वाढताच आहे. पोलीस कर्मचारी विजय नवल अहिरे (वय-३१) हे बुधवार ४ मे रोजी ११ वाजेच्या सुमारास कामाच्या निमित्ताने जिल्हापेठ हद्दीतील मणियार होलसेल दुकानाजवळ दुचाकीने आले. दुकानासमोर (एमएच १९ सीकी ४०४५) क्रमांकाची दुचाकी पार्किंगला लावून ते कामानिमित्त निघून गेले. १५ मिनिटानंतर काम आटोपून ते दुचाकीजवळ आले असता दुचाकी जागेवर मिळून आली नाही. पोलीस कॉन्स्टेबल विजय अहिरे यांच्या फिर्यादीवरून जिल्हा पेठ पोलीस ठाण्यात अज्ञात चोरट्यांविरूध्द गुन्हा दाखल करण्यात आला आहे. पुढील तपास पोलीस नाईक प्रशांत पाठक करीत आहे.

mi advt

दरम्यान, जळगाव शहरामधील दुचाकी चोरीच्या घटनांमुळे नागरिकांमध्ये भीतीची वातावरण पसरले आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज