धक्कादायक ! पाळधीच्या युवकाची वाढदिवसाच्या दिवशीच आत्महत्या

बातमी शेअर करा

जळगाव लाईव्ह न्यूज । १४ मार्च २०२१ । धरणगाव तालुक्यातील पाळधी खुर्द येथील युवकाने वाढदिवसाच्या दिवशीच रेल्वेखाली उडी घेऊन आत्महत्या केल्याची धक्कादायक घटना घडली. सचिन अशोक देवरे (वय २२) असे मृत युवकाचे नाव आहे.

सचिन देवरे या युवकाचा १२ मार्च रोजी वाढदिवस होता. सायंकाळी ७ वाजेपासून तो घराबाहेर गेला होता. कुटुंबीयांना वाटले की ताे त्याच्या वाढदिवसाचे औचित्य साधून मित्रांसाेबत गेला असेल. पण रात्री उशिर झाला तरी तो घरी का आला नाही? या चिंतेने ग्रासलेल्या कुटुंबीयांनी शोधाशोध केली. रात्री साडेबारा वाजता त्याचा मृतदेह येथील रेल्वे स्थानकाच्या पादचारी पुलाजवळच्या रेल्वे रूळांजवळ आढळून आला. रेल्वे सुरक्षा बलाच्या कर्मचाऱ्यांनी मृतदेह धरणगाव ग्रामीण रुग्णालयात नेला.

- Advertisement -

घटनेची माहिती गावात पसरताच रात्रीच घटनास्थळी गर्दी झाली होती. प्रथमदर्शी ही घटना आत्महत्या वाटत असली तरी पोलिस विविध अंगाने तपास करीत आहेत. मृत सचिन पश्चात आई-वडील असा परिवार आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

- Advertisement -

टेलिग्रामफेसबुकट्विटरइंस्टग्राम युट्युबगुगल न्यूज

- Advertisement -

deokar