fbpx

जळगावकरांनो टेन्शन घेऊ नका : जिल्हा रुग्णालयात ऑक्सिजनचा टँकर पोहचला

जळगाव लाईव्ह न्यूज । १४ मे २०२१ । जळगाव शहरातील जिल्हा शासकीय रुग्णालय व वैद्यकीय महाविद्यालयातील ऑक्सिजन टॅंक सायंकाळी ७.३० वाजता रिकामा झाला होता. प्रशासनाने आपत्कालीन व्यवस्था सुरू करून ऑक्सिजन पुरवठा कार्यान्वित ठेवला होता. दरम्यान, ऑक्सिजन घेऊन येणारा टँकर मध्यरात्री १२.४२ वाजता पोहचला असून टॅंक पुन्हा भरण्यास सुरुवात झाली आहे.

जिल्हा रुग्णालयात सद्यस्थितीत जिल्हा सामान्य रुग्णालयात ॲडमिट असलेल्या रूग्णांना पुढील १८ ते २४ तास पुरेल इतका ऑक्सीजन साठ्याची तरतुद प्रशासनाने करून ठेवली होती. ऑक्सिजन पुरेसा असल्याने रूग्ण, नातेवाईक यांनी घाबरून जाण्याचे कारण नाही. अशी माहिती जिल्हाधिकारी अभिजीत राऊत यांनी दिली होती.

mi advt

मध्यरात्री ऑक्सिजन घेऊन येणारा टँकर पोहचला असून सर्वांनी सुटकेचा निश्वास सोडला आहे. ऑक्सिजनचा टँकर पोहचताच लागलीच टॅंक भरण्यास सुरुवात झाली असून २ तासात पूर्ण टॅंक भरला जाणार आहे. शासकीय वैद्यकीय महाविद्यालयाचे अधिष्ठाता डॉ.जयप्रकाश रामानंद हे अधिकारी, कर्मचाऱ्यांसह पूर्ण वेळ रुग्णालयात लक्ष ठेऊन होते. नियोजन चोख असल्याने कोणताही अनुचित प्रकार घडला नाही.

 

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज