fbpx

भादली येथे एकाची गळफास घेऊन आत्महत्या

जळगाव लाईव्ह न्यूज । १३ मे २०२१ । जळगाव तालुक्यातील भादली येथे एका ४५ वर्षीय व्यक्तीने गळफास घेऊन आत्महत्या केल्याची घटना आज गुरुवारी उघडकीस आली. किशोर रमेश नारखेडे (वय-४५) असे आत्महत्या केलेल्या व्यक्तीचे नाव असून याबाबत नशिराबाद पोलीस ठाण्यात अकस्मात मृत्यूची नोंद करण्यात आली आहे.

भादली येथील किशोर नारखेडे हे आपल्या वृध्द आईसोबत राहतात. दरम्यान, त्यांनी काल १२ मे रोजी रात्री ११ वाजता आईसोबत जेवण करून झोपले. मध्यरात्री आई झोपेत असतांना किशोर नारखेडे यांनी राहत्या घरात दोरी गळफास घेवून आत्महत्या केली. नेहमीप्रमाणे त्यांची आई सकाळी उठल्यानंतर मुलाने गळफास घेतल्याचे उघड झाले.

mi advt

गावातील पोलीस पाटील ढाके यांनी तत्काळ नशिराबाद पोलीसांना घटनेची माहिती दिली. पोलीसांनी मृतदेहाचा पंचनामा करून जिल्हा शासकीय वैद्यकीय महाविद्यालयात मृतदेह आणण्यात आला. शवविच्छेदन करून मृतदेह नातेवाईकांच्या ताब्यात देण्यात आला आहे. पुढील तपास नशिराबाद पोलीस कर्मचारी करीत आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज