fbpx
Jalgaon Live News | Latest Jalgaon News | Jalgaon News in Marathi

जुन्या वादातून तरुणाची निर्घृण हत्या, दोघांना अटक

जळगाव लाईव्ह न्यूज । ८ जून २०२१ । सहा महिन्यांपूर्वी झालेल्या वादाच्या कारणावरून चौघांनी 25 वर्षीय तरुणाचा धारदार शस्त्राने वार करून खून केल्याची घटना शहरातील आंबेडकर नगरात सोमवारी रात्री 10.15 वाजेच्या सुमारास महालक्ष्मी सॉल मिलजवळ घडली. या हल्ल्यात सचिन जीवराम मगरे (25, आंबेडकर नगर, वरणगाव) या तरुणाचा मृत्यू झाला. या प्रकरणी चौघांविरुद्ध खुनाचा गुन्हा दाखल करण्यात आला असून राहुल गजानन कदम (24) व अक्षय संजय भैसे (23) यांना अटक करण्यात आली.

जुन्या वादातून काढला वचपा
सुमारे सहा महिन्यांपूर्वी एका वाढदिवसाच्या कार्यक्रमात वाद झाल्यानंतर मयत सचिन मगरे व फिर्यादी भीमराज जीवराम मगरे (27, आंबेडकर नगर, वरणगाव) यांच्या वाद झाल्यानंतर त्यावेळी दोघा भावंडांना आरोपींनी टोकदार शस्त्राने मारहाण करीत शिवीगाळ केली होती व पुन्हा याच कारणावरून सोमवारी रात्री डॉ.आंबेडकर नगराजवळील महालक्ष्मी सॉल मिलजवळ आरोपींनी सचिन मगरे यास धारदार शस्त्र मारल्याने सचिनचा मृत्यू झाला. दरम्यान, खुनाची माहिती कळताच पोलिस उपअधीक्षक विवेक लावंड, सहा.निरीक्षक संदीपकुमार बोरसे यांनी घटनास्थळी धाव घेतली.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज