fbpx

संतापजनक : भुसावळात अल्पवयीन मुलीवर मामा, काकाचा अत्याचार

mi-advt

जळगाव लाईव्ह न्यूज । २५ जून २०२१ । भुसावळात नात्याला काळीमा फासणारी एक घटना समोर आली आहे. मध्य प्रदेशातून भुसावळ येथील मावशीकडे आलेल्या अल्पवयीन बालिकेचा मावसानेच विनयभंग केल्यानंतर पीडीता मामांकडे आली मात्र तेथे मामानेच बालिकेवर अत्याचार केल्याची संतापजनक घटना घडली. 

याप्रकरणी गुरुवारी पीडित मुलीची मावशी, मावसा व मामा विरूद्ध बाजारपेठ पोलिस ठाण्यात बलात्कार आणि पोस्को कायद्यानुसार गुन्हा दाखल झाला. २१ जून २०२१ च्या सात महिन्यांपूर्वी हे अत्याचार झाल्याचे फिर्यादीत म्हटले आहे.

बऱ्हाणपूर येथून १७ वर्षीय मुलगी सात महिन्यांपूर्वी भुसावळ शहरातील नेमाडे कॉलनीतील रहिवासी तिची मावशीकडे शिक्षणासाठी आली होती. या दरम्यान तिचा मावसा याने तिचा विनयभंग केला. मावसाचे हे कारनामे मुलीने तिच्या मावशीला सांगितले. मात्र, मावशीने दुर्लक्ष केले. यानंतर मुलीला तिचा भाऊ (पीडित मुलीचा मामा) कडे राहण्यासाठी पाठवले. 

मात्र, तेथेही मामाने सलग सात महिने अत्याचार केले. मात्र, पीडित मुलीने गुरुवारी बाजारपेठ पोलिसांत फिर्याद दिली. यानुसार मावसा, मामा आणि मावशी यांच्याविरोधात गुन्हा दाखल केला आहे. यापैकी दोन जणांना अटक झाली. त्यांना आज शुक्रवारी न्यायालयात हजर केले जाणार आहे. तपास निरीक्षक दिलीप भागवत यांच्या मार्गदर्शनाखाली सहा.निरीक्षक गणेश धुमाळ, सुभाष साबळे करीत आहेत. 

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज