स्व. बाळासाहेब ठाकरे यांना अभिवादन

जळगाव लाईव्ह न्यूज । १८ नोव्हेंबर २०२१ । हिंदुहृदय सम्राट स्व. बाळासाहेब ठाकरे यांच्या स्मृती दिनानिमित्त नशिराबाद येथील शिवसेना कार्यालयात बाळासाहेब ठाकरे यांच्या प्रतिमेचे पूजन करुन अभिवादन करण्यात आले.

स्व. बाळासाहेब ठाकरे यांच्या स्मृतिदिनानिमित्त नशिराबाद बस स्थानकावरील शिवसेना कार्यालयात बाळासाहेब ठाकरे यांच्या प्रतिमेचे पुष्पहार अर्पण करून पूजन करण्यात आले. तसेच बस स्थानकावर लावण्यात आलेल्या फलकाजवळ मेणबत्ती पेटवून अभिवादन करण्यात आले. याप्रसंगी युवासेना शहर प्रमुख चेतन बऱ्हाटे यांनी बाळासाहेब ठाकरे यांचे विचार सांगून शिवसेना पक्षाला बळकटी आणण्यासाठी मार्गदर्शन केले.

यावेळी शिवसेना शहरप्रमुख विकास धनगर, चंदु भोळे, माजी सरपंच विकास पाटील, विनायक धर्माधिकारी, आबा माळी, महेंद्र कोळी, कैलास नेरकर, बंडु रत्नपारखे, नितीन बेंडवाल, बापु चौधरी, मोहन कोलते, मनोज देशमुख, दिनेश माळी, सोहन पाटील, सतिश रोटे, भुषण कोल्हे, हरीष येवले, पांडु बाविस्कर, मयुर देवरे, शुभम सोनार, आबा सोनार, निलेश धनगर आदी उपस्थित होते.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज