fbpx

जळगावच्या तरुणीची पुणे प्रवासात धावत्या ट्रॅव्हल्समध्ये छेड, दोघांविरुद्ध गुन्हा

mi-advt

जळगाव लाईव्ह न्यूज । ३१ जुलै २०२१ । जिल्ह्यातील यावल येथील तरुणी खाजगी ट्रॅव्हल्सने जळगावहून पुणे प्रवास करताना दोन मद्यपी तरुणांनी धावत्या ट्रॅव्हल्समध्ये तिचा विनयभंग केला. तरुणीने सकाळी पुणे गाठल्यावर त्यांच्या विरोधात तक्रार दिली. त्यानुसार धुळे तालुका पोलिस ठाण्यात दोघांविरुद्ध गुन्हा दाखल झाला आहे.

यावल येथील एक तरुणी जळगाववरून पुण्याचे दिशेने एका खाजगी ट्रॅव्हल्सने प्रवास करत होती. रात्री दहा वाजेच्या सुमारास धुळे शहराच्या दिशेने येत असताना सुनील तायडे तसेच त्याच्या सोबत असलेल्या एकाने तरुणीला पाहून अश्लिल हावभाव केले. हा प्रकार तरुणीने वाहन चालक व सहचालक यांना सांगितला. सकाळी पुणे येथे पोहचल्यावर दोघांनी काढता पाय घेतला. पीडितेने पुणे पोलीस ठाणे गाठत तक्रार केली. यानंतर गुन्ह्याची कागदपत्रे धुळे पोलिसांना पाठविण्यात आली. त्यावरुन गुरुवारी मध्यरात्री दोघांविरुद्ध गुन्हा दाखल करण्यात आहे. दोघेतरुण एरंडोलहून बसले होते. मद्यपान केल्याने त्यांना फारसे बोलताही येत नव्हते. तरुणीने दाखविलेल्या हिमतीचे कौतुक होत आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज

munot-kusumba-advt