जळगाव लाईव्ह न्यूज । २ एप्रिल २०२१ । जळगाव पीपल्स बँकेचा निवडणूक कार्यक्रम दि जळगाव पीपल्स को-ऑप. बँक तथा जिल्हा उपनिबंधक सहकारी संस्था यांच्यातर्फे गुरुवारी जाहीर करण्यात आला. १४ संचालकांसाठी ही निवडणूक होणार असून महापालिका हद्दीतील १२ मतदार संघांचा यात समावेश असून २४ एप्रिल रोजी मतदान होईल.
१ ते ५ एप्रिलदरम्यान नामनिर्देशन पत्र वाटप व स्वीकारण्यात येईल. ६ एप्रिल रोजी छाननी, ७ एप्रिल रोजी माघारीची मुदत आहे. १५ एप्रिल रोजी उमेदवारांची अंतिम प्रसिद्ध होऊन २४ एप्रिल रोजी सकाळी ९ वाजेपासून यशवंतराव मुक्तांगण सभागृहात मतदानाची प्रक्रिया पार पडेल. निवडणुकीचा निकाल २५ एप्रिल रोजी सकाळी ११ वाजता अजिंठा लॉन्स येथे घोषित होईल.