जळगाव शहराचा पाणीपुरवठा एक दिवस पुढे ढकलला

जळगाव लाईव्ह न्यूज | २४ ऑक्टोबर २०२१ । जळगाव शहराला पाणीपुरवठा करणाऱ्या ३३ केव्ही उच्चदाब वाहिनीवरील केबल नादुरुस्त झाल्यामुळे शहराचा पाणीपुरवठा एक दिवसाने पुढे ढकलण्यात आला आहे.

जळगाव शहराला पाणी पुरवठा करणाऱ्या वाघूर ३३ केव्ही उच्चदाब वाहिनीवरील केबल दुरुस्तीचे काम हाती घेण्यात आले आहे. त्यामुळे वाघूर पम्पिंग स्टेशनला होणारा वीज पुरवठा सोमवार दि.२५ रोजी बंद राहणार आहे. त्यामुळे महानगरपालिकेच्या पाणी पुरवठा विभागाकडून शहराला होणारा पाणी पुरवठा एक दिवस पुढे ढकलण्यात आला आहे. त्यामुळे सोमवार दि.२५ रोजी होणारा पाणी पुरवठा मंगळवार दि.२६ रोजी व मंगळवार दि.२६ होणारा पाणी पुरवठा बुधवार दि.२७ रोजी होणार आहे तर बुधवार दि.२७ रोजी होणारा पाणी पुरवठा गुरुवार दि.२८ रोजी करण्यात येणार आहे. शहरातील नागरिकांनी याची नोंद घेऊन पाण्याचा काटकसरीने वापर करावा असे आवाहन महापालिकेच्या पाणी पुरवठा विभागाकडून करण्यात आले आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज