जळगाव शहरातील दुचाकी चोरीचे सत्र थांबता थांबेना

जळगाव लाईव्ह न्यूज । २६ एप्रिल २०२१ । जळगाव शहरात दुचाकी चोरीचे सत्र सुरूच असून ते थांबण्याचे नाव घेत नाहीय. शहरात रोज दुचाकी चोरीच्या घटना घडत असून यामुळे वाहनधारकांमध्ये भीतीचे वातावरण पसरले आहे. दरम्यान, शहरातील पोलन पेठ परिसरातून २५ हजार रूपये किंमतीची दुचाकी अज्ञात चोरट्यांनी चोरून नेल्याची घटना उघडकीला आली. याप्रकरणी शहर पोलीस ठाण्यात अज्ञात चोरट्यांविरूध्द गुन्हा दाखल करण्यात आला आहे. 

 

याबाबत असे की, मयूर अर्जून कोळी (वय-१७ रा. ममुराबाद) या तरुणाची दुचाकी पोलन पेठमधून चोरीला गेली आहे. मयूर कोळी हा पोलन पेठ मधील अग्रवाल फॅन्सी फटाक्याच्या दुकानावर कामाला आहे. कामावर ये-जा करण्यासाठी (एमएच १९ बीडब्ल्यू ६४२) क्रमांकाची दुचाकी आहे. ही दुचाकी त्यांनी भास्कर मार्केटमधील चौधरी ॲटो कन्सलटींग येथून विकत घेतली आहे. २४ एप्रिल रोजी सकाळी १०.३० वाजेच्या सुमारास मयूर कोळी अग्रवाल दुकानावर कामाचे पैसे घेण्यासाठी आला होता.

त्याने दुचाकी दुकानाच्या समोर पार्किंग करून लावली होती. दुकान मालक अनिल अग्रवाल सोबत मयूर गावातील फिरस्तीवर गेला. काम आटोपून सायंकाळी ६ वाजता मालकासह मयूर दुकानावर आले. घरी जाण्यासाठी दुचाकीजवळ मयूर आला असता त्याला त्याची दुचाकी पार्किंगला लावलेली दिसून आली नाही. पोलन पेठ परिसरात दुचाकीचा शोध घेवून मिळून न आल्याने मयूरने शहर पोलीस ठाणे गाठले. मयूर कोळी यांच्या फिर्यादीवरून शहर पोलीस ठाण्यात अज्ञात चोरट्यांविरूध्द दुचाकी चोरीचा गुन्हा दाखल करण्यात आला आहे. पुढील तपास पोलीस नाईक किशोर निकुंभ करीत आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज