fbpx

सावदा येथील “त्या” रेशन दुकानाची तपासणी ; नागरिकाकडून अनेक तक्रारी प्राप्त

जळगाव लाईव्ह न्यूज । १६ मे २०२१ । सावदा येथील एका रेशन दुकानदारा कडून रेशन घेण्यास येणाऱ्या नागरिकांना अरेरावी तसेच धान्य कमी देणे, थंब घेऊन धान्य न देणे  अश्या अनेक तक्रारी येत होत्या. मात्र पुरवठा विभागा कडून सतत दुर्लक्ष केले जात होते याबाबत वृत्त प्रकाशित करण्यात आले होते.

वृतपत्रात वृत्त प्रकशित झाल्यावर दी 16 रोजी या चांदेलकर नामक रेशन दुकानाची तपासणी तहसीलदार उषारानी देवगुणे यांचे आदेशानुसार करण्यात आली, यावेळी पुरवठा विभागाचे पवार, तसेच सावदा तलाठी पाटील यांनी येथे तपासणी केली असता थंब मशीन बंद होते, मागील स्टॉकचा हिशोब लागत नव्हता, रेशन नागरिकांना वेळेत वाटप होत नव्हते, दुकानदार मात्र आलेल्या नागरिकांशी अरेरावी करीत असत अश्या अनेक त्रुटी यावेळी आढळून आल्या.

mi advt

दरम्यान तेथे उपस्थित नागरिकांनी देखील याबाबत तक्रारी केल्या, व तसे लेखी निवेदन देखील दिले, तसेच या दुकानास दोन वॉर्ड जोडले असून एक वॉर्ड अगदी शहराच्या दुसऱ्या टोकाकडील असून यानागरिकाना विशेषत: वयोवृद्ध नागरिकांना दूर जाण्यासाठी त्रास होत असून त्यातच सदर दुकानदार दुकान कधी सुरु तर कधी बंद अश्या मनमर्जिने वागत असल्याने या नागरिकांना त्रास सहन करावा लागत आहे, अश्या तक्रारी या निवेदनात नागरिकांनी दिल्या सदर निवेदन तपासणीस आलेल्या कर्मचारी यांनी स्वीकारुंन तसा अहवाल तयार करून तो तहसीलदार यांचेकड़े पाठविन्यात येणार असून यावर आता तहसीलदार काय कार्यवाही करता? याकडे नागरिकांचे लक्ष असून सदर दुकानदारास नेहमी प्रमाणे फक्त नोटिस दिली जाते का त्याचा परवान काही दिवसा साठी निलंबित होतो का? कायमस्वरूपी कमी केला जातो हे समजेल पण नागरिकांना त्यांना मिळणारे धान्य पूर्ण, मिळावे, ते चांगल्या प्रतीचे मिळावे व वेळेत मिळावे अशी अपेक्षा केली जात असून, दरम्यान आज सकाळी धान्य घेण्यासाठी नागरिकांची गर्दी झाली होती यावेळी सावदा पो,स्टे, चे, स,पो,नी, देवीदास इंगोले यांनी वेळीच जाऊन बंदोबस्त ठेवला.

त्याचसोबत दर महिन्यास गहु कमी करून त्या ऐवजी देण्यात येणार मका नागरिकांना काही कामी येत नसून त्याची प्रत देखिल अतिशय खराब येत असून त्यामुळे मका ऐवजी गहु जास्त मिळावे अशी देखील नागरिकांची मागणी असून सोबत माणशी किती धान्य मिळते व या महिन्यात कोणते धान्य आले आहे याचा फलक दुकानावर असावा अशी देखील मागणी नागरिक करीत आहे

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज