मेसमध्ये गॅसचा भडका, तरुणांनी दाखवले प्रसंगावधान

जळगाव लाईव्ह न्यूज । २९ सप्टेंबर २०२१ । शहरातील मारोतीपेठ परिसरात बंगाली बांधवांची एक मेस आहे. बुधवारी रात्री ८ वाजेच्या सुमारास स्वयंपाक सुरू असताना अचानक गॅसचा भडका उडाला. परिसरातील तरुणांनी प्रसंगावधान दाखविल्याने आग आटोक्यात आली आणि मोठा अनर्थ टळला आहे.

मारोतीपेठ परिसरात गणेश मंडल बंगाली याचा घरगुती मेसचा व्यवसाय आहे. बुधवारी रात्री ८ वाजेच्या सुमारास स्वयंपाक सुरू असताना अचानक गॅसचा भडका उडाला आणि सिलेंडरने पेट घेतला. भीतीने नागरिक पळ काढत असताना परिसरातील तरुणांनी धाव घेत फायर एक्स्ट्रूनजरने आग आटोक्यात आणली.

आगीची माहिती स्थानिक नागरिकांनी मनपा अग्निशमन दलाला कळवली असल्याने ते देखील काही क्षणात बंब घेऊन त्याठिकाणी पोहचले होते.  अग्निशमन दलाचे कर्मचारी वसंत न्हावी, भगवान पाटील, रवी बोरसे, नितीन बारी आदी यावेळी उपस्थित होते.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज