डोंगर कठोरा येथे शेतमजुराची विहीरीत उडी घेवून आत्महत्या

जळगाव लाईव्ह न्यूज । २८ एप्रिल २०२१ । यावल तालुक्यातील डोंगर कठोरा येथील एका शेतमजुराने विहीरीत उडी घेवून आत्महत्या केल्याची घटना आज बुधवारी सकाळी उघडकीस आली. भरत जनार्दन जंगले (वय-४५) असे आत्महत्या केलेल्या शेतकऱ्याचे नाव आहे. दरम्यान, आत्महत्येमागील कारण अद्यापही कळू शकले नाही. याबाबत यावल पोलीस ठाण्यात अकस्मात मृत्यूची नोंद करण्यात आली आहे.

याबाबत असे की, डोंगर कठोरा येथील भरत जंगले हे शेतात काम करून आपल्या कुटुंबियाचा उदरनिर्वाह करतात.  दरम्यान, २७ एप्रिल रोजी सायंकाळी ते घरातून निघाले. रात्री उशीरापर्यंत घरी न आल्याने नातेवाईकांनी त्यांचा शोधाशोध केली परंतू आढळून आले नाही.

आज २८ एप्रिल रोजी दुपारी १ वाजेच्या सुमारास डोंगर कठोरा शिवारातील विनोद मधुकर राणे यांच्या शेतातील विहिरीत मृतदेह आढळून आला. हा मृतदेह भरत जंगले यांच्याच असल्याचे उघड झाले. दरम्यान त्यांनी आत्महत्या करण्याचे कारण स्पष्ट झालेले नाही.  शेतमालक विनोद रोणे यांच्या खबरीवरून यावल पोलीसात अकस्मात मृत्यूची नोंद करण्यात आली आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज