fbpx

एकनाथराव खडसे ईडी कार्यालयात दाखल

जळगाव लाईव्ह न्यूज । ०८ जुलै २०२१ । पुण्याच्या भोसरी येथील जमीन घोटाळा प्रकरणी अडचणीत सापडलेले माजी मंत्री राष्ट्रवादीचे ज्येष्ठ नेते एकनाथराव खडसे यांना ईडीने चौकशीचे समन्स बजावले आहे. ईडी कार्यालयात जाण्याआधी खडसे आज सकाळी पत्रकार परिषद घेणार होते.

परंतु त्यांची अचानक प्रकृती खालावल्यानं आज होणारी पत्रकार परिषद रद्द करण्यात आलेली आहे. यानंतर खडसे चौकशीसाठी ईडीसमोर हजर राहणार का?, असा सवाल उपस्थित होत असताना एकनाथराव खडसे सकाळी अकराच्या सुमारास अंमलबजावणी संचलनायच्या कार्यालयात दाखल झाले.

पुण्याच्या भोसरी येथील जमीन घोटाळा प्रकरणी एकनाथराव खडसे अडचणीत सापडलेले आहेत. जावयाच्या अटकेनंतर त्यांनाही ईडीने समन्स बजावलं आहे.  ईडीने पाठवलेल्या नोटीसनुसार खडसे यांना आज गुरुवार दि.८ जुलै सकाळी ११ वाजता मुंबईतील ईडीच्या कार्यालयात हजर राहण्याचे सांगण्यात आले होते. दरम्यान, ईडीच्या कार्यालयात जाण्याआधी आज त्यांची पत्रकार परिषद होणार होती. आजच्या पत्रकार परिषदेत खडसे काहीतरी मोठा गौप्यस्फोट करणार, अशी चर्चा होती. मात्र, प्रकृती अस्वास्थ्यामुळं आज होणारी पत्रकार परिषद रद्द करावी लागली आहे.

दरम्यान, यानंतर एकनाथराव खडसे चौकशीसाठी ईडीसमोर हजर राहणार का?, की ईडीकडे चौकशीसाठी वेळ वाढवून मागणार? अशा चर्चांना उधाण आलं आहे.  परंतु खडसे यांनी चौकशीकामी ईडी कार्यालयात हजर राहणार असल्याचे पत्रकारांशी बोलतांना सांगितले आहे. त्यानुसार ते ईडीच्या कार्यालयात दाखल झाले आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज