fbpx

दापोऱ्याच्या तरुणावर नाशकात हल्ला, उपचार सुरू असताना मृत्यू

mi-advt

जळगाव लाईव्ह न्यूज । २८ ऑगस्ट २०२१ । दापोरा येथील रहिवासी तरुणाचा नाशिक येथे प्राणघातक हल्ल्यात मृत्यू झाल्याची घटना २६ रोजी घडली आहे. तुषार रघुनाथ काळे असे या मृत तरुणाचे नाव आहे. दरम्यान, या प्रकरणातील संशयिताला म्हसरूळ पोलिसांनी अटक केली आहे.

तुषार काळे हा तरुण आपल्या कुटुंबासह नाशिक येथे गेल्या सहा वर्षांपासून वास्तव्यास होता. तो चहा टपरी चालविण्याचा व्यवसाय करीत होता. २६ रोजी सायंकाळी नाशिकच्या म्हसरूड भागातील रासबिहारी लिंक रोड लगतच्या चहाच्या टपरीवर संशयित आकाश काळेने तुषारच्या डाव्या मांडीत चाकू मारला. टपरी लावण्याच्या कारणावरून हा हल्ला झाल्याचे समजते. दरम्यान, हल्ल्यानंतर तुषारला खासगी रुग्णालयात दाखल केले असता उपचारदरम्यान त्याचा मृत्यू झाला.

दरम्यान, तुषारवर दापोरा येथे २७ रोजी संध्याकाळी ४ वाजता शोकाकुल वातावरणात अंत्यसंस्कार करण्यात आले. त्याच्या पश्चात पत्नी, मुलगा, मुलगी, भाऊ आई, वडील असा परिवार आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज

munot-kusumba-advt