⁠ 
गुरूवार, मार्च 28, 2024

कोरोना अपडेट : जिल्ह्यात ५११ कोरोना बाधीत; जळगाव शहरातून सर्वाधिक पॉझिटिव्ह!

जळगाव लाईव्ह न्यूज । ७ मार्च २०२१ । जिल्ह्यात ५११ कोरोना बाधीत रूग्ण आढळून आले असून आजची दिलासादायक बाब म्हणजे दिवसभरात जिल्ह्यात एकाच कोरोना बाधीताचा मृत्यू झाला आहे.

आजच्या सर्वाधिक २६७ पेशंट हे जळगाव शहरातील आहेत. तर चिंतेची बाब म्हणजे जामनेर तालुक्यात आज दिवसभरात ७८ नवीन कोरोना बाधीत पेशंट आढळून आले आहेत. चोपडा तालुक्यातील रूग्ण संख्या झपाट्याने असून आज या तालुक्यात ३८ पॉझिटीव्ह दिसून आले आहेत.

जळगाव तालुका-१२; भुसावळ तालुका-३१; धरणगाव-१६; एरंडोल-७; यावल-२; रावेर आणि पारोळा-प्रत्येकी ६; मुक्ताईनगर-२१; बोदवड-१४; अमळनेर-१ असे रूग्ण आढळून आले आहेत. तर आज दिवसभरात पाचोरा आणि भडगाव तालुक्यात एकही पेशंट आढळला नसल्याची माहिती जिल्हा प्रशासनाने पत्रकाद्वारे दिली आहे.