fbpx

जळगाव जिल्ह्यात सलग तिसऱ्या दिवशी बरे होणारे रुग्ण अधिक

जळगाव लाईव्ह न्यूज । ३० एप्रिल २०२१ । जळगाव जिल्ह्यात कोरोना संसर्गाचा आलेख गेल्या काही दिवसांपासून स्थिर येत आहे. जिल्ह्यात सलग तिसऱ्या दिवशी जिल्ह्यात नव्या बाधितांपेक्षा बरे होणाऱ्यांचा आकडा अधिक आहे. आज दिवसभरात एक हजार ०७ रुग्ण आढळले आहे. तर आजच १ हजार ३० रुग्णांनी कोरोनावर मात केली. गेल्या २४ तासांत २१ जणांचा बळी गेला.

जळगाव जिल्ह्यात कोरोना संसर्गाची तिव्रता मोठ्या प्रमाणात वाढली होती. मात्र तीन आठवड्यांपासून काहीअंशी कोरोना रुग्ण संख्या कमी होत असतांना दिसत आहे. तसेच बरे होणाऱ्यांचे प्रमाण देखील वाढले आहे. शुक्रवारी आज तब्बल ८ हजार ९९९ चाचन्याचे अहवाल प्राप्त झाले. त्यातील १ हजार ०७ नवे बाधित आढळून आले, त्यामुळे एकूण रुग्णसंख्या १ लाख २२ हजार ००४ वर पोचली.

तर आज १ हजार ३० रुग्ण बरे झाल्यानंतर बरे होणाऱ्यांचा आकडा १ लाख ९ हजार १५९ वर गेला आहे. तर २१ जणांच्या मृत्यूने बळींची संख्या २ हजार १८४ वर पोचली आहे. दरम्यान, जिल्ह्यात सध्या १० हजार ६६१ रुग्णांवर उपचार सुरु आहे.

जळगाव शहरात १४१, जळगाव ग्रामीण २०, भुसावळ १०१, अमळनेर ४७, चोपडा ३२, पाचोरा १४८, भडगाव ८,  धरणगाव १२, यावल ३१, एरंडोल ५८, जामनेर ११२, रावेर ४७, पारोळा १७, चाळीसगाव ५८, मुक्ताईनगर १११, बोदवड ६१, अन्य जिल्ह्यातील ३ असे एकूण १००७ रुग्ण आढळून आले आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज