fbpx

चाळीसगावकरांचे अभिनंदन ! जनता कर्फ्युला नागरिकांचा उत्तम प्रतिसाद

mi-advt

जळगाव लाईव्ह न्यूज । १३ मार्च २०२१ । जिल्ह्यासह चाळीसगाव शहरात कोरोनाची संख्या मोठ्या प्रमाणात आढळून येत असून या पार्श्वभूमीवर जिल्हाधिकाऱ्यांनी १३ व १४ मार्च रोजी संचारबंदीचे आदेश लागू केले आहे. चाळीसगाव नगरपालिका हद्दीत हे नियम लागू असून आज पहिल्याच दिवशी नागरिकांकडून प्रचंड प्रतिसाद मिळाला.

चाळीसगाव कोरोनाचा वाढता प्रकोप लक्षात घेऊन जिल्हाधिकारी यांनी दोन दिवसांसाठी शहरात संचारबंदी लागू केली आहे. परिणामी आज पहिल्याच दिवशी चाळीसगावातील जनतेकडून उत्स्फूर्त प्रतिसाद मिळाला असून सर्वत्र सुकसुकाट दिसून आला. कोरोनाला हद्दपार करण्यासाठी चाळीसगाव सज्ज असल्याचे चित्र आज दिसून आले.

दरम्यान नियमांचे पायमल्ली व विनामास्क धारकांना पोलिसांकडून चांगलीच चपराक दिली जात आहे. येथील सिग्नल चौक, घाट रोड, धुळे रोड, भडगाव रोड, स्टेशन रोड आदी ठिकाणी सुकसुकाट दिसून आला. वैद्यकीय सेवा वगळता शहरात सर्व बंद ठेवण्यात आले. ठिकठिकाणी पोलिसांच्या बंदोबस्तीमुळे काटेकोरपणे पालन होत असल्याची प्रतिक्रिया नागरिकांनी उमटविली.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज