श्री.गुलाबराव देवकर रुग्णालयात दर गुरुवारी मोतीबिंदू शस्त्रक्रिया शिबिर

बातमी शेअर करा

जळगाव लाईव्ह न्यूज । १५ डिसेंबर २०२१ । ‘असेल दृष्टी तर दिसेल सृष्टी’ या तत्वाला अनुसरून श्री.गुलाबराव देवकर मल्टीस्पेशालिटी वैद्यकीय व आयुष रुग्णालयात दर गुरुवारी मोतीबिंदू शस्त्रक्रिया शिबिराचे आयोजन करण्यात येणार आहे. जळगावकर नागरिकांनी या सेवेचा लाभ घेण्याचे आवाहन रुग्णालय प्रशासनाने केले आहे.

शिरसोली रस्त्यावरील श्री.गुलाबराव देवकर मल्टीस्पेशालिटी वैद्यकीय व आयुष रुग्णालयात जिल्ह्यातील रुग्णांसाठी अनेक योजना लागू झालेल्या आहेत. मोतीबिंदू रुग्णांसाठी रुग्णालयाकडून दर गुरुवारी मोतीबिंदू शस्त्रक्रिया शिबीर आयोजित करण्यात येणार आहे.

अत्यल्प दरात फेको शस्त्रक्रिया व कृत्रीम भिंगरोपन
मोतीबिंदू शस्त्रक्रिया शिबिरात दर गुरुवारी प्रथम २१ रुग्णांची अत्यल्प दरात शस्त्रक्रिया केली जाणार आहे. शिबिरात मोतीबिंदू शस्त्रक्रिया व कृत्रीम भिंगरोपन २५०० रुपयात तर अत्याधुनिक बिनाटाक्याची फेको शस्त्रक्रिया केवळ ६ हजारात केली जाणार आहे. गेल्या २१ वर्षापासून अविरत सेवा देणाऱ्या प्रसिद्ध नेत्ररोग तज्ञ डॉ.वृषाली विवेक पाटील या शस्त्रक्रिया करणार आहेत.

मोफत तपासणी, अत्याधुनिक सुविधा
श्री.गुलाबराव देवकर मल्टीस्पेशालिटी वैद्यकीय व आयुष रुग्णालयात नियमीत व मोफत तपासणी सोमवार ते शनिवार सकाळी १० ते दुपारी ३ वाजेपर्यंत सुरू असते. मोतीबिंदू शस्त्रक्रिया शिबिरात रुग्णांना अत्याधुनिक लेन्स, शस्त्रक्रियानंतरची औषधी, रुग्णाचे फिटनेस प्रमाणपत्र व रक्त तपासणी, रुग्णाच्या राहण्याची व जेवणाची सोय केली जाणार आहे. नाव नोंदणी व अधिक माहितीसाठी डॉ.नितीन पाटील मो.7507724200, 9422977071 यावर संपर्क साधण्याचे आवाहन रुग्णालय प्रशासनाने केले आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज

- Advertisement -