fbpx

कोर्ट चौकातून व्यावसायिकाची बॅग लांबवली !

mi-advt

जळगाव लाईव्ह न्यूज । १५ मार्च २०२१ । जळगाव शहरातील कोर्ट चौकात कृषक भवन येथे बेकरी असलेल्या व्यावसायिकाची बॅग लांबविल्याची घटना सोमवारी सकाळी ११ वाजेच्या सुमारास घडली. याप्रकरणी शहर पोलिसात गुन्हा दाखल करण्यात आला आहे.

दौलतनगरातील रहिवासी दिनेशकुमार अर्जुनकुमार ललवाणी वय-३२ यांची पंजाबराव कृषक भवन येथे नटखट नावाने बेकरी आहे. सोमवारी सकाळी ११.१५ वाजता ते बेकारी उघडण्यासाठी पंजाबराव कृषक भवन आले असता त्यांनी स्वतःची मोटार सायकल पार्क करुन जवळ असलेला बॉक्स व एक मरुन रंगाची बॅग घेऊन ते दुकानाजवळ आले. बॉक्स व बॅग दुकानाच्या जवळ मोकळ्या जागी ठेऊन बँगमधून चाबी काढून दुकान उघडले.

तेवढ्यात एक अनोळखी व्यक्ती कॅटबेरी घेण्यासाठी दुकानात आला व तो कॅटबेरी घेऊन रेल्वेस्टेशनकडे निघुन गेला. त्यानंतर ललवाणी हे बॅग घेणेसाठी आले असता त्यांना बॅग आढळून आली नाही. ललवाणी यांनी बॅगचा आजु-बाजूला शोध घेतला असता ती मिळून न आल्याने बॅग चोरी झाल्याची त्यांची खात्री पटली. बॅगेत १५ हजार रोख रक्कम, ६ हजाराचा मोबाईल यासह महत्वाची कागदपत्रे होती. ललवाणी यांच्या फिर्यादीवरून शहर पोलिसात गुन्हा दाखल करण्यात आला असून तपास पोलीस नाईक गणेश पाटील करीत आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज