जळगाव लाईव्ह न्यूज । १९ डिसेंबर २०२१ । जामनेर शहरातील जामनेर पुरा भागात जुन्यवादातून दोन जणांना बेदम मारहाण केल्याची घटना १७ रोजी सकाळी ७.३० वाजेच्या सुमारास घडली.या प्रकरणी येथील पोलीसात एकावर गुन्हा दाखल झाला आहे.
सविस्तर असे की, दिपक दामू कचरे (वय-४१) रा. जामनेर पुरा, जामनेर हा तरूण मजूरी करून उदरनिर्वाह करतो. १७ डिसेंबर रोजी सकाळी ७.३० वाजेच्या सुमारास शहरातील विवेकानंद भागात त्याचा मित्र उल्हास नेमाडेसह चर्चा करत होते. त्याचवेळी अजय उर्फ अशोक वाल्मिक लोहार रा.विवेकानंद नगर, जामनेर हा आला. त्याने जुन्या वादातून दोघांना शिवीगाळ व मारहाण केली. या मारहाणीत दिपक कचरे याच्या हाताला गंभीर दुखा केली. याप्रकरणी दिपक कचरे यांच्या फिर्यादीवरून संशयित आरोपी अशोक लोहार याच्याविरोधात जामनेर पोलीसात गुन्हा दाखल करण्यात आला आहे. पुढील तपास पोहेकॉ विजेंद्र पगारे हे करीत आहे.
