fbpx

पाचोऱ्यात छत्रपती संभाजी महाराज जयंती निमित्त रक्तदान शिबिर

जळगाव लाईव्ह न्यूज । १५ मे २०२१ । पाचोऱ्यात छत्रपती संभाजी महाराज यांच्या जयंती निमित्ताने भडगाव रोड वरील छत्रपती संभाजी महाराज चौकात असलेल्या नियोजित पुतळ्यास्थळी छत्रपती संभाजी महाराज यांच्या प्रतिमापूजन व रक्तदान शिबिर पार पडले.

यावेळी आमदार किशोर आप्पा पाटील, माजी आमदार दिलीप भाऊ वाघ,भाजपा तालुका अध्यक्ष अमोल शिंदे ,डॉक्टर भूषण मगर, राष्ट्रवादी काँग्रेसचे रणजीत पाटील,शिवसेना शहर प्रमुख किशोर बारावकर यांचे सह संभाजी ब्रिगेड व मराठा सेवा संघाचे पदाधिकारी कार्यकर्ते यांनी छत्रपतींना अभिवादन करत माल्यार्पण केले. याप्रसंगी आर्यन ग्रुपचे आर्यन मोरे व सहकाऱ्यांनी रक्तदान शिबिराचे आयोजन केले  होते.

mi advt

यावेळी अनेक रक्तदात्यांनी रक्तदान करत आपल्या सामाजिक जबाबदारीचे कर्तव्य पार पाडले. कार्यक्रमस्थळी कोरोना नियमांचे पालन करण्यात   येऊन सामाजिक अंतर पाळत सर्वांनी कार्यक्रमात सहभाग दर्शवला.दरम्यान महाविकास आघाडीचे नेते आ. किशोर अप्पा पाटील व माजी आमदार दिलीपभाऊ वाघ यांनी काही काळ असपसात हितगुज केले. त्यांच्यात नेमकी काय चर्चा झाली असावी या बाबत उपस्थित कार्यकर्त्यांत कुजबुज सुरू होती.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज