fbpx

रेमिडीसिव्हरसाठी भाजप आमदार आपला निधी सरकारला देण्यास तयार

mi-advt

जळगाव लाईव्ह न्यूज । ५एप्रिल २०२१ । महाराष्ट्रात कोरोनाचा प्रादुर्भाव दिवसेंदिवस वाढत आहे. जळगाव जिल्ह्यातील रुग्णांच्या उपचारासाठी जिल्ह्यात पुरेसे व्हेन्टीलेटर, ऑक्सिजन बेड, उपचारासाठी लागणारे वैद्यकीय साहित्य तसेच रेमिडीसिव्हर इंजेक्शन उपलब्ध नसल्याचा आरोप भाजपने केला आहे.

यामुळे जळगाव जिल्ह्याची सद्यस्थिती लक्षात घेता जिल्ह्यातील भाजपाचे सर्व आमदार मिळून रेमिडीसिव्हर इंजेक्शन उपलब्ध करण्यासाठी शासनाला आमदार निधी देण्यास तयार आहे. जेणेकरून रुग्णांचे व त्यांच्या नातेवाईकांचे हाल होणार नाही व जळगाव जिल्ह्यातील परिस्थिती नियंत्रणात आणता येईल. यासाठी भारतीय जनता पक्ष तर्फे जिल्हाधिकाऱ्यांना निवेदन देण्यात आले.

याप्रसंगी जिल्हाध्यक्ष आ.सुरेश दामू भोळे (राजूमामा), खा.रक्षा खडसे, खा.उन्मेश पाटील, आ. संजय सावकारे, प्रदेश उपाध्यक्षा स्मिता वाघ, जि.प.उपाध्यक्ष लालचंद पाटील, जि.प. सभापती जयपाल बोदर्डे, महानगराध्यक्ष दीपक सूर्यवंशी, भाजपा सरचिटणीस मधुकर काटे, सचिन पान पाटील, उपाध्यक्ष नंदू महाजन, प्रल्हाद पाटील, महानगर सरचिटणीस विशाल त्रिपाठी, डॉ. राधेश्याम चौधरी, वैद्यकीय आघाडी अध्यक्ष डॉ. नरेंद्र ठाकूर, डॉ. धर्मेंद्र पाटील, नरेंद्र पाटील, आरिफ शेख व भाजपा जिल्हा पदाधिकारी उपस्थित होते.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज