भुसावळ भाजप कोरोना योद्धा सहाय्य समिती गठन, शहर अध्यक्ष पदी डॉ. नितु पाटील

कोरोना संक्रमित अथवा संशयित रुग्णांना आणि त्यांच्या नातेवाईकांना रुग्णालयात आणि उपचारांमध्ये सुलभता यावी म्हणून आरोग्य प्रशासन आणि सर्वसामान्य नागरिक यांच्यातील समन्वय म्ह्णून भुसावळ भाजप कोरोना योद्धा सहाय्य समिती गठन करण्यात आली आहे.

जळगाव जिल्हा ग्रामीणचे जिल्हा अध्यक्ष आ.राजुमामा भोळे यांच्या संकल्पनेनुसार जळगाव जिल्ह्यात प्रत्येक मंडळात अश्या प्रकारच्या समिती गठन करण्याची सुरवात झाली  असून भुसावळ शहरात देखील अशी समिती आ. संजय सावकारे आणि खा.रक्षाताई खडसे यांच्या नेतृत्वाखाली गठन झाली आहे.

भुसावळ भाजप करोना योद्धा समितीचे अध्यक्ष म्हणून वैद्यकीय आघाडीचे उत्तर महाराष्ट्र सहसंयोजक डॉ. नितु पाटील यांची नियुक्ती झाली असून  परीक्षित बऱ्हाटे,  युवराज लोणारी,निक्की बत्रा, अजय नागराणी,महेंद्रसिंग ठाकूर,  सतिश सपकाळे,राजेंद्र नाटकर,प्रा दिनेश राठी,गिरीश महाजन,चंद्रशेखर इंगळे,मनोज बियाणी, राजेंद्र आवटे  ,संतोष बारसे यांचे विशेष सहकार्य राहील. शिवाय 20 सदस्य असून वाढीव बिल पडताळणी समिती,  जीवन विमा समिती, अंत्यसंस्कार समिती राहणार आहे.

शहरातील प्रत्येक करोना रुग्णालय आणि विलगिकरण गृहाला प्रत्येकी 2 समिती सदस्य नियुक्त केलेले आहे.सदर समिती नागरिकांना करोना बद्दल जनजागृती करणे, रुग्णालयात संपर्क क्रमांक देणे,बेड संख्या पुरवणे,रुग्णवाहिका उपलब्ध करून देणे,औषधे उपलब्ध करणे,विमा सल्ला,वाढीव बिल तक्रारी,तसेच रुग्ण मयत झाल्यास इतर सोपस्कार पार पाडणे आदी कार्य करेल.

सदस्य म्हणून अमित असोदेकर,राहुल तायडे,अमोल महाजन,अनिरुद्ध कुळकर्णी, नंदकिशोर बडगुजर,युवराज लोणारी,संदीप सुरवाडे,अँड.प्रकाश पाटील, नरेंद्र बऱ्हाटे,संजय दांडगे,अथर्व पांडे,अँड. योगेश बाविस्कर,प्रविण इखणकर,रमाशंकर दुबे,दलजीत चौधरी खुशाल जोशी,निलेश रायपुरे,केतन पाटील,देवेंद्र फालक,आनंद जोशी यांची नियुक्ती झाली आहे.

“सेवकार्यात भाजपा अग्रेसर…!

भुसावळ भाजप करोना योद्धा समिती ही रुग्ण, रुग्णालय प्रशासन आणि जिल्हा आरोग्य प्रशासन यांच्यातील दुवा म्हणून कार्य करेल.रुग्णांना उपचारात सुलभता यावी,नातेवाईकांची वणवण कमी व्हावी आणि सर्वसामान्य जनतेमध्ये करोना बद्दल जनजागृती करण्याचे कार्य समिती करेल. वेळप्रसंगी जनहितार्थ आंदोलन करण्यासाठी देखील समिती बांधील राहील.

– डॉ. नितु पाटील, अध्यक्ष
 भाजप करोना योद्धा सहाय्य समिती ,भुसावळ

“जळगाव जिल्ह्यात पहिलीच भाजप समिती…!

“भाजप कार्यकर्ते करोना महामारीमध्ये तन, मन,आणि धनाने रुग्णसेवा करत आहेत, आता भुसावळ भाजप करोना योद्धा सहाय्य समिती गठन झाल्यामुळे सेवकार्यात सुसूत्रता येईल आणि आणखी मोठ्या प्रमाणात कार्य वाढवण्यास मदत होईल.मागील 15 दिवसापासून यावर नियोजन सुरू असून श्री.राम नवमी रोजी समिती जाहीर करण्यात आली.विशेष म्हणजे जळगाव जिल्हात भाजप ची अशी समिती प्रथम भुसावळलाच कार्यान्वित झाली आहे,याचा मनस्वी आनंद आहे.”

संजय सावकारे,
आमदार,भुसावळ विधानसभा

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज