fbpx

बीएचआर प्रकरण : तोतला, भंगाळेंसह ११ जणांना आज न्यायालयात हजर करणार

mi-advt

जळगाव लाईव्ह न्यूज । २२ जून २०२१ । बीएचआर घोटाळाप्रकरणात पुणे आर्थिक गुन्हे शाखेच्या पथकाने अटक केलेल्या प्रेम कोगटा, भागवत भंगाळेसह ११ जणांना आज मंगळवारी न्यायालयात हजर करण्यात येणार आहे. दरम्यान, याप्रकरणात तब्बल २५१ पानांचा फॉरेन्सिक अहवाल मांडण्यात आला असून संशयितांना यापूर्वी २२ पर्यंत कोठडी सुनावण्यात आली होती.

राज्यभर गाजलेल्या बीएचआर प्रकरणात पुणे आर्थिक गुन्हे शाखेच्या पथकाने १७ जून रोजी जळगाव जिल्ह्यासह राज्यातील विविध ठिकाणाहून १२ जणांना अटक केली होती. यात सर्वांना न्यायालयाने २२ जूनपर्यंतची पोलीस कोठडी सुनावली होती. या सर्व संशयित आरोपींनी 30 टक्क्याप्रमाणे पावत्या विकत घेतल्याने बीएचआर पतसंस्थेत विशिष्ट प्रकारे संगनमत करून घोटाळा करण्यात आला आहे. यामुळे ठेवीदारांना मोठ्या प्रमाणात आर्थिक नुकसान झाले. त्यामुळे सर्व संशयितांना पोलीस कोठडीत देण्यात यावी, अशी मागणी ॲड. प्रवीण चव्हाण यांनी होती. दरम्यान, आज सर्वांना न्यायालयात हजर करण्यात येणार असून या आजच्या सुनावणीवर सर्वांचे लक्ष लागून आहे.

यांना केली आहेत अटक?

अटक केलेल्यांमध्ये भागवत भंगाळे (जळगाव), छगन झाल्टे (जामनेर), जितेंद्र रमेश पाटील (जामनेर) याला औरंगाबाद येथून ताब्यात घेण्यात आले. आसिफ मुन्ना तेली (भुसावळ), जयश्री मणियार (जळगाव), संजय तोतला (जळगाव), राजेश लोढा (जामनेर), अकोला येथील प्रमोद किसनराव कापसे, प्रितेश चंपालाल जैन (धुळे) अंबादास आबाजी मानकापे (औरंगाबाद) जयश्री अंतिम तोतला (मुंबई), प्रेम रामनारायण कोगटा, प्रमोद किसनराव कापसे (अकोला) यांचा समावेश होता.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज