fbpx

व्ही-स्कूलच्या इंग्रजी विषय समिती प्रमुखपदी भरत शिरसाठ

जळगाव लाईव्ह न्यूज । १० जुलै २०२१ । कोरोनाच्या काळातील विद्यार्थ्यांचा लर्निंग लॉस लक्षात घेऊन तसेच येणाऱ्या काळातील ऑनलाईन लर्निंगचे महत्व लक्षात घेऊन जिल्हाधिकारी अभिजित राऊत यांच्या प्रेरणेने जिल्ह्यामध्ये ‘वोपा’ या शैक्षणिक क्षेत्रात महत्त्वाचे योगदान देणाऱ्या संस्थेमार्फत  व्ही- स्कूल कन्टेन्ट डेव्हलपमेंट प्रोग्रॅम सुरू करण्यात आलेला आहे. 

याद्वारे ‘व्ही स्कूल फ्री ॲप’ साठी इयत्ता पहिली ते दहावी करिता अभ्यासक्रम विकसन करणे सुरु आहे. प्रत्येक विषयासाठी जिल्हा विषय समित्या तयार करण्यात आल्या असून प्रत्येक विषय समितीचे प्रमुख निवडण्यात आले आहेत. जिल्ह्यातील इंग्रजी विषय समितीच्या प्रमुख  पदी जे. एस. जाजू हायस्कूल उत्राण येथील प्रभारी मुख्याध्यापक भरत शिरसाठ यांची निवड जिल्हाधिकारी यांचे मार्फत करण्यात आली आहे. तसे आदेश त्यांना नुकतेच प्राप्त झाले आहेत. सदर इंग्रजी विषय समितीमध्ये टी.बी. पांढरे (आर.आर.विद्यालय,जळगाव) व श्रीमती सपना रावलानी(आदर्श सिंधी हायस्कूल,जळगाव) यांची सहाय्यक म्हणून निवड करण्यात आली आहे. 

जिल्ह्यातील इंग्रजी विषय तज्ज्ञ शिक्षक या समितीमध्ये अभ्यासक्रम विकसनाचे काम करणार आहेत.

भरत शिरसाठ यांनी प्रादेशिक विद्या प्राधिकरण, नाशिक या ठिकाणी इंग्रजी विषय सहाय्यक म्हणून दोन वर्ष सेवा दिली आहे. जळगाव जिल्हा  इंग्लिश टीचर्स वेल्फेअर असोसिएशनचे ते संस्थापक अध्यक्ष आहेत. इंग्रजी विषयात त्यांची दोन पुस्तके प्रकाशित आहेत. तसेच ‘इंग्लिश जर्नी वीथ यू’ या मासिकाचे त्यांनी संपादन केलेले आहे. जिल्ह्यात इंग्रजी विषयासाठी मेंटाॅर व एम.ई.आर म्हणून त्यांनी काम केले आहे. शिक्षण क्षेत्रात ज्या पुस्तकाचे प्रचंड स्वागत होत आहे, अशा ‘शिक्षक कसा असावा?’ या पुस्तकाचे ते लेखक आहेत.

त्यांच्या या निवडीबद्दल माध्यमिक शिक्षणाधिकारी बी.जे.पाटील,  डायटचे प्राचार्य डाॅ. अनिल झोपे, व्ही-स्कूल कार्यक्रमाचे जिल्हा समन्वयक व शिक्षण विस्तार अधिकारी खलिल शेख, शिक्षण विस्तार अधिकारी रविकिरण बिऱ्हाडे, एरंडोलचे गटशिक्षणाधिकारी विश्वास पाटील, जे. एस. जाजू हायस्कूल उत्राण च्या शालेय समितीचे प्रमुख डॉक्टर सुरेश टिपरे व जिल्ह्यातील इंग्रजी विषय शिक्षकांनी त्यांचे अभिनंदन केले आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज