fbpx

विवाहितेचा छळ प्रकरणी दाखल गुन्हा मागे घेण्याच्या कारणावरून एकास मारहाण

mi-advt

जळगाव लाईव्ह न्यूज । १३ मार्च २०२१ । पारोळा तालुक्यातील तामसवाडी येथील फिर्यादीच्या बहिणीस सासरी शारीरिक व मानसिक छळ केल्याप्रकरणी गुन्हा नोंदवला होता. तो मागे घेण्याच्या कारणावरुन भावास तीन जणांनी मारहाण केली असल्याची घटना घडली. याबाबत पारोळा पोलिसात गुन्हा दाखल करण्यात आला आहे.

पारोळा तालुक्यातील तामसवाडी येथील योगेश कृष्णा भोई याने आज रोजी फिर्याद दिली की त्याच्या बहिणीने गावातील हेमंत एकनाथ महाजन हिच्याशी विवाह केला होता. पण त्याने व सासरच्या मंडळींनी शारीरिक व मानसिक त्रास दिल्याने तिने पारोळा न्यालायात  गुन्हा दाखल केला आहे.

या कारणावरून हेमंत एकनाथ महाजन अशोक विठ्ठल लिंगायत, मधुकर रघुनाथ महाजन,  सर्व राहणार तामसवाडी यांनी फिर्यादी योगेश यास दिनांक १५ डिसेंबर रोजी तामसवाडी बोळे रस्त्यावर रस्ता अडवून तुझ्या बहिणीने दाखल केलेली केस मागे घे नाहीतर तुला व बहिणीला जीवे ठार मारू अशी धमकी देत मारहाण केली तसेच खिश्यातील आठ हजार रूपये काढुन घेतले, म्हणून याप्रकरणी आज पारोळा पोलिसात गुन्हा दाखल करण्यात आला आहे. पुढील तपास पोलीस हेडकॉन्स्टेबल जयवंत पाटील हे करीत आहेत.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज